Қазақстандық теннисші Елена Рыбакина (WTA рейтингінде 12-орын) АҚШ-тың Вашингтон қаласында өтіп жатқан WTA 500 санатындағы турнирде сәтті өнер көрсетіп, ширек финалға шықты, деп жазады 1bol.kz.
1/8 финал кезеңінде Рыбакина канадалық Виктория Мбокомен (WTA-88) кездесіп, екі сетте 6:3, 7:5 есебімен жеңіске жетті.
Айта кету керек, бұл кездесу Елена үшін Уимблдоннан кейінгі алғашқы ресми матч болды. Вашингтон турнирінің жалпы жүлде қоры – 1 282 951 доллар. Жекелей сында жеңіске жеткен теннисші 197 570 доллар мен 500 рейтингтік ұпайға ие болады.
Биылғы жарыстың басты фавориті – америкалық Джессика Пегула. Ол WTA рейтингінде төртінші орында тұр.
Фото: Getty Images.
