Әли Әлиев 23 наурыздағы Уэльске қарсы ойында алаңға шығуы мүмкін 35 футболшының атын атады.
27-сі қазақ. Қалғандары Вороговский, Самородов, Чесноков, Быстров сияқты «өзіміз» болып кеткен орыстар.
Дастан Сәтбаев пен Ғалымжан Кенжебек те бар. Меніңше бұл екеуінің орасан зор пайдасы тиеді.
Наурызбек Жагоров деген футболшыны шақырса болар еді деп жүр ем, шақырыпты.
Еркебұлан Сейдахметовке де мүмкіндік беріп көру керек пе еді? Ордабасы және Қайратқа қарсы жақсы ойнады.
Меніңше Артур Шушеначев пен Рамазан Кәрімовтың қажеті жоқ. Одан гөрі Оралхан дұрыстау. Қанша дегенмен БАТЭ-де негізгі құрамда ойнады ғой практикасы жақсы.
Уэльске қарсы бастапқы құрам былай болатын сияқты.
Қақпада —Темірлан Анарбеков.
Қорғаушылар — Вороговский, Әліп, Жұмаханов, Қасым, Быстров
Жартылай қорғаушылар — Зайнутдинов, Оразов, Тағыберген, Чесноков
Шабуылда — Самородов (соңында 10-15 минутқа Сәтбаевты неге шығарып көрмеске?)
Бес қорғаушымен ойнай берген дұрыс. Төрт қорғаушымен ойнау үшін Әліптің деңгейінде төрт футболшы керек. Черчесовтікі далбаса тактика еді ғой.
Бізге тура келмейді.
Егер ғайыптан-тайып Уэльсті ұтып кетсек, онда жолдамадан үміттенуге болады. Ұта алмасақ, онда үміт жоқ. Құр арамтер болғанша Тағыберген, Марочкиндерге нүкте қойып, 2028-ге дайындалып, Кенжебек, Жагоров, Пайруздарды шыңдай беру керек.
Пікір иесі Мықтыбек Оразтайұлы.
Фото: ҚФФ.
