30 мамырда УЕФА Чемпиондар Лигасына қатысты үш маңызды өзгерісті талқыламақ. Бұл бастамалар келесі маусымға арналады, деп жазады penalty.kz.
Плей-офф кезеңінде матчтар тең аяқталған жағдайда бұрынғыдай қосымша 30 минут ойнатылмайды. Оның орнына командалар бірден пенальти сериясына көшеді. Бұл шешім ойын жүктемесін азайтып, матчтарды көрермендер үшін қарқындырақ етуге бағытталған.
2. Бір елдің командалары өзара кездеспейді
УЕФА плей-офф кезеңінде бір елдің өкілдері бір-бірімен 1/4 финалға дейін кездеспеуін қалайды. Бұл принцип бұрын қолданылып келген. Бірақ соңғы уақытта одан бас тартылған еді. Мысалы биылғы маусымда Францияның ПСЖ мен «Бресті» 1/16 финалда, ал Германияның «Бавариясы» мен «Байері» 1/8 финалда жолыққан болатын. Енді бұл қайталанбайды.
3. Алаң артықшылығы
Жаңа жүйеге сәйкес, топтық кезеңнен кейінгі жалпы рейтингте үздік сегіздікке енген командалар өз алаңында жауапты матчтарды өткізу құқығына ие болады. Бұл ереже ширек және жартылай финалдарға қатысты. Төмен рейтингтегі қарсыласымен салыстырғанда үздік команда үйде ойнау мүмкіндігіне ие болып, жанкүйер қолдауын сезінеді.
Фото: sportbox.ru.
