«Тобыл» Еурокубок алдында жаңа трансфер жасады. 28 жасар шабуылшы 1-ші шілдеден бастап қостанайлық команданың жейдесін киетін болады.
Айта кетейік, Руй Кошта өзінің спорттық мансабында «Фамаликан», «Фаренсе», «Порту Б» секілді клубтардың намысын қорғаған. Форвардтың соңғы жұмыс орны — «Фаренсе» командасы.
Онда Кошта 59 кездесуге қатысып, 15+5 нәтижелілігімен көзге түсті.
Ал жалпы Португалия біріншілігінде 71 матч өткізген. Футболшының трансферлік құны — 500000 еуроны құрайды.
Естеріңізде болса, «Тобыл» Еуропа Лигасында ел намысын қорғайды. Қостанайлықтар еурожарысты бірінші іріктеу кезеңінен бастамақ. Ондағы қарсыласы Словакияның «Ружомберок» командасы. Қостанайлық ұжым бірінші кездесуін сырт алаңда 11-шілдеде өткізеді.
