4 тамыз күні қазақстандық футбол жанкүйерлері үшін маңызды сәт болады. «Қайрат» пен «Астананың» еурокубоктардағы келесі қарсыластары анықталады. Плей-офф кезеңінің жеребесі UEFA-ның ресми сайтында тікелей эфирде көрсетіледі, деп жазады penalty.kz.
«Қайраттың» Чемпиондар лигасындағы жолы
Алматылық «Қайрат» 15:00-де басталатын UEFA Чемпиондар Лигасының плей-офф жеребесінде өз қарсыласын біледі. Команда биылғы маусымды сенімді түрде бастап, екі қарсыласынан айқын басым түсті:
- 1-раунд: Словенияның «Олимпия» клубын екі матчтың қорытындысы бойынша 3:1 есебімен жеңді;
- 2-раунд: Финляндияның КуПС командасын 3:2 есебімен ұтты.
- Енді 3-раундта «Қайратқа» Словакияның тәжірибелі «Слован» клубы қарсы тұрады.
Жеребенің ресми трансляциясы UEFA сайтында немесе онымен әріптес платформаларда қолжетімді болады.
«Астана» Конференция лигасында бақ сынайды
Сағат 17:00-де UEFA Конференция Лигасының жеребесі басталады. Бұл турнирде ел намысын жалғыз «Астана» қорғайды.
Елордалықтар еурокубоктық маусымды 2-раундтан бастап, Молдованың «Зимбру» клубын 3:1 есебімен тізе бүктірді. 3-раундта «Астана» Швейцарияның «Лозанна» командасымен күш сынасады.
Фото: kazfootball.kz.
