Теннистен Франция ашық біріншілігінде (Ролан Гаррос) өнер көрсетіп жатқан қазақстандық Александр Бублик (#62) әлемнің бесінші ракеткасы – британдық Джек Дрейперді жеңіп, жарыс сенсациясын жасады, деп жазады 1bol.kz.
Матчтың алғашқы сетінде Дрейпер басым түскен. Алайда, қалған үш сетте ол жиі қателесіп, Бублик 5:7, 6:3, 6:2, 6:4 есебімен жеңіске жетті.
Осылайша Қазақстан теннисшісі «Ролан Гарростың» ширек финалына шықты. Бұл – оның «Үлкен дулыға» турнирлеріндегі ең үздік көрсеткіші.
Енді ол жартылай финалға шығу үшін Янник Синнермен (Италия) кездеседі.
Айта кету керек, Синнер – әлемнің бірінші ракеткасы.
Фото: ATP.
