Ағылшын футболының жас жұлдызы, «Сандерленд» клубының орталық жартылай қорғаушысы Джоб Беллингем мадридтік «Реалдың» жолымен емес, дортмундтық «Боруссияны» таңдағанын хабарлады, деп жазады penalty.kz.
Sky Sport тілшісі Флориан Плеттенбергтің мәліметінше, 19 жастағы футболшы «Боруссияның» ұсынысын қабылдап, франкфурттық «Айнтрахтпен» келіссөздер жүргізбейтінін мәлімдеген.
Трансфер бағасы – 30 миллион еуро
«Боруссия» мен «Сандерленд» арасындағы ресми келіссөздер жақын күндері басталады. Алдын ала деректерге сүйенсек, неміс клубы Беллингем үшін шамамен 30 миллион еуро төлеуге дайын.
«Сандерленд» 2024/2025 маусымында Чемпионшип плей-офф кезеңінде жеңіске жетіп, Ағылшын Премьер-Лигасына жолдама алды. Ал «Боруссия Дортмунд» бундеслигада 4-орынға ие болып, келесі маусымда Чемпиондар лигасына қатысуға мүмкіндік алды.
Беллингем бауырлары: Джудтың жолымен
Айта кету керек, Джобтың ағасы — Джуд Беллингем кезінде дәл осы «Боруссияда» ойнап, кейін мадридтік «Реалға» ауысқан. Енді кіші Беллингем де неміс клубында өзін дәлелдеуге мүмкіндік алады.
Фото: Vesti.kz.
