Қазақстандық теннисші Бейбіт Жұқаев Мексикадағы турнирдің 1/16 финалында канадалық Алексис Галарномен шеберлік байқасып, жеңіліп қалды, деп жазады 1bol.kz.
Әлемдік рейтингте 192-ші сатыға жайғасқан Қазақстан теннисшісі қарсыласына 1:2 есебімен есе жіберді.
Жұқаев бірінші сетте 6:7 есебімен жеңілді. Кезең өте тартысты өтіп, тай-брейкте канадалық теннисші 9:7 есебімен алға шықты.
Екінші сет те тай-брейкке ұласқан. Дегенмен, бұл жолы қазақстандық теннисші 12:10 есебімен жеңіп кетті.
Ал, шешуші үшінші сетте Жұқаев шаршап қалса керек, Галарно 6:3 есебін тіркеп, жеңісті жұлып алды.
Естеріңізде болса, Бейбіт Жұқаев наурыз айының соңында Мексикадағы кезекті турнирде жартылай финалға дейін жеткен еді. Ол жауапты сында Аустралия өкілі Джеймс Дакворттан 2:0 есебін жеңілген.
Фото: Қазақстан теннис федерациясы.
