Шымкенттің «Ордабасы» футбол клубы жартылай қорғаушы Бауыржан Исламханның команда сапынан кеткенін хабарлады, деп жазады 1bol.kz.
31 жастағы футболшының шымкенттік клубпен арадағы келісімшартының мерзімі аяқталған. Екі тарап та оны әрі қарай создыртуға ниет білдірмепті.
Исламған «Ордабасыға» 2023 жылы келіп, қатарынан екі маусым клуб намысын қорғады. 2023 жылы ол «Ордабасымен» бірге өз мансабында алғаш рет ел чемпионы атанды.
Осы екі маусымда Бауыржан шымкенттік клуб сапында барлығы 41 ойын өткізіп, 3 гол соққан және тоғыз рет нәтижелі пас берген.
Бауыржан Исламхан 2020 жылы допинг қолданды деп айыпталып, екі жылға футболдан шеттетілген.
Фото: Ордабасы ФК.
