«Барыс» клубының бас директоры Нұрлан Оразбаев баспасөз конференциясында бас бапкер Ғалым Мәмбеталиевке қатысты сұраққа жауап берді, деп хабарлайды 1bol.kz.
Тілшілердің бірі басшыдан «Мәмбеталиев орнын босатуы мүмкін бе?» деп сұраған.
«Бас бапкермен келісімшартымыз үш жылға есептелген. Қазіргі басты мақсат – команданы жасақтап, жайлы микроклимат қалыптастыру. Жігіттер тырысып жатыр, айдынға шығуға мүмкіндік берілгенін бағалайды. Бапкерлер штабының ауызбіршілігі жақсы. Бұл кезеңнен өтуіміз керек, бәрі жақсы болады», — деді Оразбаев.
Фото: hcbarys.kz.
