Елордалық клубтың тізгінін ресейлік маман Михаил Кравец ұстайды деген ақпарат тарады. Бұл туралы ресейлік спорт журналисі Алексей Шевченко мәлімдеді, дейді penalty.kz.
Кравецтің соңғы жұмыс орны – “Куньлунь Ред Стар”
61 жастағы жаттықтырушы 2024/25 жылғы маусымда ҚХЛ-дың қытайлық клубы ”Куньлунь Ред Старды” басқарды. Команда Батыс конференциясында 68 ойыннан кейін 62 ұпай жинап, 9-орынмен шектелді.
Жаттықтырушы ретінде тәжірибесі бай
Михаил Кравец бұған дейін де бірнеше ҚХЛ клубтарын жаттықтырған:
- “Витязь” (Подольск)
- “Амур” (Хабаровск)
- “Авангард” (Омбы)
- “Куньлунь” (Бейжің)
Сонымен қатар Беларусь ұлттық құрамасының бапкерлік штабы құрамында да жұмыс істеген.
Ресми ақпарат әлі жарияланған жоқ
Әзірге Кравецтің “Барысқа” тағайындалғаны туралы тек бейресми дереккөздерден мәлімет тараған. Клуб тарапынан ресми растау болған жоқ.
“Барыстың” күйі – ҚХЛ тарихындағы ең нашар көрсеткіштердің бірі
2024/25 жылғы маусымда “Барыс” 68 матчта небәрі 35 ұпай жинап, ҚХЛ-дың аутсайдері атанды. Бұл клуб тарихындағы ең әлсіз көрсеткіштердің бірі ретінде тіркелді.
Маусым аяқталған соң уақытша бас бапкер міндетін Евгений Королев атқаруда. Клуб жаңа маусымға дайындықты бастау үшін бас жаттықтырушы мәселесін тез арада шешуі тиіс.
Фото: matchtv.ru.
