«Барыс» сегізінші матч қатарынан жеңілді.
Астананың «Барыс» клубы Құрлықтық хоккей лигасының аясында сырт айдында Санкт-Петербургтің СКА клубымен кездесіп, жеңіліп қалды, деп жазады 1bol.kz.
Сарапшылар айдын иелерін фаворит санаған, солай болды да.
Ғалым Мәмбеталиев айдында мына құрамға шығарды: Бояркин (Шутов) -Бекетаев-Камалов, Бочаров-Николишин-Сетдиков; Хохлов-Данияр, Әсетов-Өмірбеков-Бурдасов; Королев-Оразов, Савицкий-Логвин-Муратов; Гайтамиров-Бутенко, Қайыржан-Рахманов-Оспанов.
Бірінші кезеңде есеп ашылып, оны СКА клубынан Грицюк соқты. Ал екінші және үшінші таймдарда осы есеп өзгерген жоқ – 1:0. Осылайша, астаналық ұжым қатарынан сегізінші рет жеңіліс тауып отыр.
17 желтоқсанда «Барыс» Мәскеудің «Динамо» клубына қонаққа барады.
СКА (Санкт-Петербург, Ресей) — «Барыс» (Астана, Қазақстан) 1:0 (1:0, 0:0, 0:0)
Шайбалар:
1:0 — 13:48 Грицюк (Хайруллин, Коромыслов)
Қақпашылар: Мойсевич — Бояркин
Фото: Барыс ХК.
