Астаналық «Барыс» өз алаңында Мәскеудің «Динамосын» қабылдап, Континенталдық хоккей лигасының (КХЛ) кезекті ойынында жанкүйерлерін қуантты. Матч күтпеген нәтижемен аяқталды — қазақстандық клуб айқын фаворитті 5:2 есебімен тізе бүктірді, деп жазады penalty.kz.
Матч басталғанына небәрі 40 секунд өтпей қонақтар есеп ашып, алғашқы кезеңді алда аяқтады. Бірақ екінші жиырма минутта «Барыс» жанкүйерлерін қуантты.
Аңсар Шайхмедденов көпшілікте таразы басын теңестірсе, Вячеслав Колесников тағы бір гол соғып, елордалықтарды алға шығарды.
Үшінші кезеңде ресейліктер есепті теңестіргенімен Майкл Веккьоне дубль жасап, жеңісті команданың қоржынына салды. Соңғы минуттарда Әлихан Өмірбеков те мергендігін көрсетіп, нәтижені түйіндеді.
«Барыс» (Астана) — «Динамо» (Мәскеу) 5:2 (0:1, 2:0, 3:1)
Шайбалар:
0:1 — 00:40 Комтуа (Классон, Мамин)
1:1 — 24:29 Шайхмедденов (Өмірбеков, Савицкий), көпшілікте
2:1 — 37:24 Колесников (Уолш, Веккьоне), көпшілікте
2:2 — 47:00 Гусев (Броссо)
3:2 — 50:38 Веккьоне (Галимов, Уолш), көпшілікте
4:2 — 56:00 Өмірбеков (Веккьоне)
5:2 — 58:33 Веккьоне (Бреус, Шутов), бос қақпаға
«Барыс» енді келесі кездесуін 18 қыркүйекте Магнитогорскіде «Металлургпен» өткізеді.
