Қазақстандық «Барыс» командасы 28 желтоқсанда Құрлықтық хоккей лигасындағы кезекті ойынын Ресейдің «Салават Юлаев» (Нижний Новгород) командасына қарсы өткізді, деп жазады kazinform.kz.
Кездесу барысында реесйлік клубтың басымдығы байқалып тұрды. Ойынның небәрі 25-секундында Джош Ливо есеп ашса, 11-минутта Нэйтан Тодд есепті үстемелей түсті.
Ал 18-минутта Никита Зоркин мергендік танытса, одан кейін Джош Ливо 26, 39-минутта екі мәрте көзге түсті.
Ресейлік клубтан Шелдон Ремпал 49-минутта қорытынды есепті белгіледі.
Осылайша «Барыс» қарсыласына 0:6 есебімен есе жіберді. Бұл — елордалық клубтың қатарынан алтыншы жеңілісі.
Енді елордалық клуб алдағы екі ойынын Астанада өткізеді. Алдымен 5 қаңтарда Ресейдің «Лада» (Тольятти) клубымен кездессе, 7 қаңтарда «Автомобилист» (Екатеринбург) командасымен шеберлік байқасады.
Еске салсақ, бұдан бұрын «Барыс» «Торпедо» командасына есе жіберді.
Фото: «Барыс» хоккей клубы.
