5 сәуірде Астанада өтетін кәсіпқой бокс кешінде қазақстандық Балауса Мұздыман (6-0, 5 КО) рингке шығатын болды, деп хабарлайды 1bol.kz.
Оның қарсыласы бұрын мүлдем жеңіліп көрмеген америкалық боксшы Розалинда Родригес (14-0, 3 КО) болмақ.
Балауса соңғы рет 2024 жылдың желтоқсан айында жекпе-жек өткізген болатын. Ол кезде отандасымыз үндістандық Сушила Виратты (6-2, 4 КО) нокаутпен жеңген еді.
Ал, Розалинда Родригес болса былтыр қазан айында соңғы жекпе-жегін өткізіп, төрешілер шешімімен жеңіске жетті және аса жеңіл салмақта WBC International титулын иеленді.
Айта кетейік, бокс кешінің басты оқиғасы – орта салмақтағы WBO және IBF чемпионы Жәнібек Әлімханұлы мен француз Анауэля Нгамиссенге арасындағы жекпе-жек болмақ.
Фото: instagram.com/muzdi___
