Бірінші орта салмақта жұдырықтасатын қазақстандық боксшы Батыр Жүкембаевтың (23-1, 17 КО) 5 сәуірде Астанада өтетін бокс кешіндегі қарсыласының есімі белгілі болды, деп жазады ҚазАқпарат.
Nomad Promotions мәліметінше, Батыр 5 сәуірде британиялық Кейн Гарднермен (17-4, 7 КО) жекпе-жек өткізбек.
Бұл күнгі басты жекпе-жек Жәнібек Әлімханұлы мен (16-0, 11 КО) франциялық Анауэль Нгамиссен (14-0, 9 КО) арасында ұйымдастырылады.
Аталған бокс кеші Астанадағы «Барыс Арена» спорт кешенінде өтпек.
Сондай-ақ, 5 сәуір күнгі бокс кешінде Жәнібек Әлімханұлынан бөлек тағы кімдердің шаршы алаңға шығатыны туралы жаздық.
Аталған бокс кешінде бүгінде ұлттық құрама сапында ел намысын қорғап жүрген ағайынды Сабырхандар шаршы алаңда кәсіпқой бокста бақтарын сынап көрмек. Ағайынды боксшылардың қарсыласы әзірге анықталмаған.
Фото: sports.kz.
