Елорда клубы өз алаңында «Ұлытау» командасына жауапсыз төрт гол соқты. «Ақтөбе» Көкшетаудың «Оқжетпес» командасын қабылдаған. Екінші таймда қонақтар есеп ашқанымен, Артур Шушеначевтің дублінің арқасында алаң иелері камбэк жасады.
Талдықорғанда «Жетісу» мен «Атырау» арасындағы ойында есеп ашылған жоқ.
Ал Қостанайдың «Тобыл» командасы Шымкентте «Ордабасыдан» басым түсті. Қорытынды есеп – 2:3. Жеңіс голын ұлттық құраманың экс-капитаны Асхат Тағыберген айып соққысынан кіргізді.
Айта кетейік, көктемде Тағыберген 20 миллион теңге айлық алатыны белгілі болған соң, командадан кетіп қалған.
Сол кезде Шымкент қаласының әкімі Ғабит Сыздықбеков Асхаттың 20 млн теңге жалақы алатынын, соған қарамастан жоғары деңгейде ойнай алмайтынын мәлімдеген еді.
Кеше сондай-ақ «Елімай» Алматыда камбэк жасап, «Қайраттан» үш ұпай алды. «Қызылжар» мен «Жеңіс тең тарқасса, Түркістанда «Тұран» Қызылорданың «Қайсар» клубын жеңді. Сөйтіп 12 матчқа созылған жеңіссіз серияға нүкте қойды.
Фото: transfermarkt.
