Аргентина құрамасы Лионель Мессисіз-ақ Оңтүстік Америка футболындағы басты қарсыласы — Бразилияны ойсырата жеңіп, 2026 жылғы Әлем чемпионатына алғашқылардың бірі болып жолдама алды, деп жазады penalty.kz.
Аргентина құрамасы Оңтүстік Америка іріктеу турнирінде алғаш болып финалдық кезеңге жолдама алды. Қазіргі турнирлік кесте:
- Аргентина — 31 ұпай
- Эквадор — 23 ұпай
- Уругвай — 21 ұпай
- Бразилия — 21 ұпай
- Парагвай — 21 ұпай
- Колумбия — 20 ұпай
- Венесуэла — 15 ұпай
- Боливия — 14 ұпай
- Перу — 10 ұпай
- Чили — 10 ұпай
2026 жылғы Әлем чемпионаты 11 маусым мен 19 шілде аралығында АҚШ, Канада және Мексикада өтеді. Бұл турнир тарихта алғаш рет 48 құраманың қатысуымен ұйымдастырылады.
Месси жарақатына байланысты құрамадан тыс қалды
Аргентина жеңісіне Лионель Мессисіз жетті. “Интер Майами” клубының хабарлауынша, Месси жамбас бұлшықетіне жеңіл жарақат алған.
“Атланта Юнайтедпен” матч кезінде жамбас бұлшықетінде жайсыздық сезінген Месси МРТ тексеруінен өтті. Диагноз — бұлшықетке жеңіл зақым келген. Қалпына келу қарқынына байланысты ол қайта алаңға оралады”, — делінген клуб мәлімдемесінде.
Сол себепті жұлдызды шабуылшы Уругвай мен Бразилияға қарсы іріктеу матчтарына шақыртылмады.
