Прокуратура жүргізген тексеріс нәтижесінде «Ақтөбе» футбол клубында 250 миллионнан астам теңгенің заңсыз жұмсалғаны белгілі болды, дейді penalty.kz.
Батыс Қазақстан облысының прокуратурасы Бас прокуратураның тапсырмасы аясында «Ақтөбе» футбол клубында кешенді тексеріс жүргізіп, 250 миллион теңгеге жуық заңбұзушылықты әшкереледі. Бұл туралы Бас прокуратура ресми мәлімдеме жасады.
Тексеру барысында бірнеше күмәнді жағдай анықталған. Атап айтқанда:
- Футболшыларды трансферлеу кезіндегі күмәнді келісімшарттар;
- Әуе тасымалына төленген қаражаттың заңсыз жұмсалуы;
- Футболшылардың тамағына арналған бюджет қаржысының клуб әкімшілігі тарапынан жеке мақсатқа пайдаланылуы.
Анықталған заңбұзушылықтар негізінде облыстық прокуратура ҚР Қылмыстық кодексінің:
- 189-бабы – Сеніп тапсырылған бөтен мүлікті иемденіп алу немесе ысырап ету;
- 190-бабы – Алаяқтық;
- 361-бабы – Лауазымдық өкілеттіліктерді теріс пайдалану бойынша үш қылмыстық іс қозғады.
Аталған істер Сыбайлас жемқорлыққа қарсы қызметке тапсырылды. Тергеу барысы облыс прокурорының жеке бақылауында.
Фото: Vesti.kz.
