«Ақтөбе» футбол клубы 32 жастағы аргентиналық жартылай қорғаушы Леонель Струмияның командадан кеткенін хабарлады.
«Рақмет Кэп! «Ақтөбе» ФК аргентиналық жартылай қорғаушы Лионель Струмиямен келісімшарт мерзімі аяқталуына байланысты, ойыншымен қош айтысты. Леоға атқарған жұмысы үшін алғыс білдіріп, алдағы мансабына сәттілік тілейміз!», – делінген футбол клубының ақпаратында.
Лео Струмия 2024 жылы барлық турнирлерде «Ақтөбе» ФК үшін 29 матч өткізді.
Еске сала кетейік, Леонель Струмия 2023 жылдың ақпан айында «Ақтөбе» клубына ауысқан болатын. Бұған дейін аргентиналық футболшы өз елінде «Клуб Атлетико Алумни» командасында, сондай-ақ Латвияда «Лиепая» және РФШ клубтарында ойнаған.
Фото: kazfootball.kz.
