Аса жеңіл салмақта өнер көрсететін қазақстандық кәсіпқой боксшы Ангелина Лукас (12-1, 6 КО) 8 ақпанда кезекті жекпе-жегін өткізетін болды. Бұл жолы ол Венесуэла елінің өкілі Джохана Зунигамен (18-8-1) жұдырықтасады, деп жазады 1bol.kz.
Кәсіпқой бокс кеші Стамбұлда өтеді деп жоспарланған. Бұл – Ангелинаның биылдыққа екінші жекпе-жегі. 31 қаңтарда ол Мәскеудегі «IBA чемпиондар түні» турнирінде нигериялық Айисат Орийоми (9-1, 6 КО) есімді боксшыны техникалық нокаутпен жеңген болатын.
Ал, күні кеше Лукасты оның байырғы қарсыласы Балауса Мұздыман жекпе-жекке шақырды. Әеусқой бокста бітіспес қарсылас болған қыздар енді кәсіпқой рингте кім мықтыны анықтауы мүмкін.
Фото: instagram.com/angelina_lukas1997.
