21 жастағы қақпашы Темірлан Анарбеков «Қайраттың» Чемпиондар лигасы аясындағы матчында басты қаһарманға айналып, әлемдік басылымдарда аптаның жұлдызы атанды, деп жазады penalty.kz.
Алматылық «Қайраттың» жас қақпашысы Темірлан Анарбеков әлем футболында аптаның басты қаһарманы атанды. Бұл туралы Offside.kz хабарлады.
Қазақстандық клубтың Чемпиондар лигасының негізгі кезеңіне шығуы — аптаның басты сенсациясына айналды. Ал 21 жастағы Анарбеков «Қайратты» плей-оффта құтқарып, шын мәнінде жұлдызға айналды. Айта кетейік, ол тіпті командадағы негізгі қақпашы да емес еді: алғашқы ойында жарақат алған Александр Заруцкийдің орнына күтпеген жерден алаңға шықты. Сол ойынының арқасында ол тіпті аптаның үздік құрамына енді.
Суперперформанс және негізгі скиллдері
«Селтикке» қарсы матчта Анарбеков негізгі уақытта 5 сейв жасады және пенальти сериясында 3 соққыны қайтара білді. Оның сенімді ойыны «Қайратқа» қақпасын құрғақ сақтап, ЛЧ-ның негізгі кезеңіне жолдама әкелді.
Мамандардың айтуынша, Темірланның басты артықшылығы — лентадағы ойыны және пенальти серияларындағы сенімділігі. Ол мансабында бұған дейін де екі рет пенальти сериясын ұтып шыққан, соның бірі — «Қайратқа» қарсы жалға ойнаған кездегі матч.
Мамандардың пікірінше, Анарбековке енді бастысы — «Қайраттың» негізгі құрамында тұрақты ойын тәжірибесін алу. Сондай-ақ оның әлсіз тұстарының бірі — аяқпен ойыны. «Селтикке» қарсы ойында ол 34 пастың тек 7-еуін ғана дәл жеткізген.
Қақпаға дейінгі жол
Темірлан қақпашы атанғаны да қызық оқиға. Ол ұзақ уақыт футбол академиясына қабылдана алмай жүріп, тек 11 жасында ғана іріктеуден өткен. Сол кезде ол алаңдағы позициясын өзгертіп, қақпашыға ауысқан. Кейін көп ұзамай «Қайраттың» академиясына қабылданып, жастар құрамасының негізгі киперіне айналды.
Фото: pin-upsport.kz.
