Қазақстанның бірінші ракеткасы Александр Бублик (ATP рейтингінде 82-орында) АҚШ-тың Финикс қаласында өтіп жатқан турнирдің ширек финалында француз Корентен Мутемен (79-орын) кездесті.
Бублик қиын матчта қайсарлық танытып, үш сет қорытындысы бойынша жеңіске жетті — 2:6, 7:6, 7:5. Кездесу 2 сағат 26 минутқа созылды.
Осылайша қазақстандық теннисші жартылай финалға жолдама алып, енді ATP рейтингінде 36-орында тұрған португалиялық Нуну Боржешпен кездеседі. Боржеш турнирдің негізгі фавориті болып саналады.
Финикс турнирінің жүлде қоры 250 000 долларды құрайды. Турнир жеңімпазы 38 420 доллар көлемінде сыйақы алады. Сонымен қатар ATP рейтингінде 175 ұпайға ие болады.
Фото: Instagram/@atpchallengertour.
