Қазақстан құрамасы мен грозныйлық «Ахмат» ФК жартылай қорғаушысы Максим Самородов «Совспорт» порталына сұхбат берді, деп жазады penalty.kz.
Онда 23 жастағы футболшы өзі өнер көрсететін клубты алматылық «Қайратпен» теңеп, грозныйлықтардың деңгейі жоғары екеніне назар аударған болатын.
«Меніңше, «Ахмат» «Қайраттан» мықтырақ», — деді футболшы.
Кеше Максим РПЛ-дің 12-туры аясында «Ахмат» сапында сырт алаңда мәскеулік «Динамоға» қарсы ойында доп тепті. Отандасымыз матчты бастапқы құрамда бастап, 75-минутқа дейін өнер көрсеткен. Самородов биылғы маусымда Ресей премьер лигасында грозныйлық клубтағы 12 бәсекеде 4 нәтижелі пастың авторы атанды. Қазір жартылай қорғаушының нарықтағы бағасы 2,5 млн еуро.
Transfermarkt сайтының мәліметіне сүйенсек, грозныйлық ұжымның трансферлік құны 26 миллион еуроға тең. Ал “Қайрат” клубының бағасы 12,73 миллион еуро.
Фото: “Ахмат” ФК.
