Ресейлік футболшы Артем Дзюба танымал әзілкеш Тамби Масаевтың подкастында қазақстандық стендап-комик Нұрлан Сабуровқа рингте күш сынасуға ұсыныс жасады. Бұл сәт әлеуметтік желіде қызу талқыланып жатыр, деп жазады penalty.kz.
– Сен Нұрланмен жекпе-жекке шығар ма едің? – деп сұрайды.
Артем Дзюба бұл сұраққа бірден қызығушылықпен жауап берді:
– Нұрлан, мен сенің көзіңді ашамын! Ол спортпен айналысады ғой, солай ма?
Масаев:
– Жоқ, ол әлсіздеу.
Алайда Дзюба қарсы пікір білдірді:
– Жо-жоқ! Мен оның ұзақ уақыттан бері бокспен айналысатынын естігенмін.
Масаев әзілмен қостап:
– Мен Нұрланның бұл ұсыныстан қысылып қалатынын білем: «Неге мен шығуым керек? Мен ештеңе білмеймін ғой».
Сөз арасында Артем Дзюба Нұрлан Сабуровты «қамшы салдырмайтын қарапайым жігіт»деп сипаттап, қазақтардың жекпе-жек өнеріне бейімдігін атап өтті:
– Ол қарапайым, иә? Жалпы алғанда, меніңше, әр қазақ — боксшы!
Бұл мәлімдеме қазақстандық интернет қолданушылар арасында кеңінен таралып, әлеуметтік желіде түрлі пікірлер туғызды. Көпшілік Дзюбаның сөзіне әзілмен қараса, енді бірі Сабуров пен Дзюба арасындағы жекпе-жекті шынымен көргісі келетінін жазды.
Фото: ашық дереккөздерден алынды.
