Британдық спорт журналисі әрі менеджер Тейлор О’Хиггинс өзіне уәде етілген гонорардың әлі күнге дейін төленбегенін мәлімдеді, дейді penalty.kz.
Ақша дауы: гонорар төленбеген
Британдық спорт журналисі және бокс менеджері Тейлор О’Хиггинс Астанада 5 сәуірде өткен бокс кешінде жұмыс істегені үшін гонорар алмағанын мәлімдеді. Бұл туралы ол X (бұрынғы Twitter) әлеуметтік желісінде жазды.
Тейлор О’Хиггинстің мәлімдемесі:
«Мен сәуір айында Әлімханұлы – Нгамиссенге арасындағы бокс кешінде жұмыс істедім. Алайда екі ай өтсе де, ешқандай төлем алған жоқпын», – деді ол.
Бұл мәлімдеме чилилік боксшы Даниэла Асеньо мен қазақстандық Ангелина Лукас арасындағы даулы жекпе-жектен кейін пайда болды. Асеньо өзіне жекпе-жекті әдейі жеңілу талап етілгенін айтқан. Осыған орай О’Хиггинс турнирдің промоутері кім болғанын сұрады.
Турнир жұлдыздары кімдер болды?
5 сәуірде өткен бокс кешінің басты оқиғасы — Жәнібек Әлімханұлының Анауэль Нгамиссенгені бесінші раундта нокаутпен жеңуі және WBO мен IBF белбеулерін қорғауы болды.
Сол кеште рингке шыққан танымал боксшылар:
- Батыр Жүкембаев
- Сұлтан Заурбек
- Олимпиада чемпионы Баҳодир Жалолов
- Болашағынан үміт күттіретін Балауса Мұздыман.
Фото: Vesti.kz.
