Әліби Ыдырыс америкалық Оди Осборнға қарсы октагонға шығады, деп жазады penalty.kz.
Қазақстандық файтер Әліби Ыдырыс әлемдегі ең беделді ММА ұйымы – Ultimate Fighting Championship (UFC) аясында алғашқы жекпе-жегін өткізеді. Ол UFC Fight Night 267 турнирінде өнер көрсетеді.
Жекпе-жек қашан өтеді?
- Күні: 22 ақпан (жексенбі)
- Өтетін орны: Хьюстон, АҚШ
- Басталу уақыты: шамамен 05:00 (Қазақстан уақытымен)
Әліби Ыдырыс америкалық Оди Осборнға қарсы октагонға шығады.
UFC келісімшарты қалай берілді?
Былтыр тамызда отандасымыз UFC турнирінде келісімшарт үшін жекпе-жек өткізген болатын. Сол кезде ол Джозеф Моралестен екінші раундта сабмишн әдісімен жеңіліс тапты. Соған қарамастан ұйым қазақстандық спортшының әлеуетін жоғары бағалап, оған төрт жекпе-жекке арналған келісімшарт ұсынды.
Әліби Ыдырыс туралы не белгілі?
- Жасы: 31
- Ел: Қазақстан
- Рекорды: 10 жеңіс – 1 жеңіліс
- Бойы: 167 см
- Салмағы: шамамен 57 кг
- Дивизион: аса жеңіл салмақ
Әліби Ыдырыс – панкратионнан Қазақстанның үш дүркін чемпионы. UFC-ге дейін ол Naiza Fighter Championship секілді аймақтық промоушендерде өнер көрсеткен.
Фото: pin-upsport.kz.
