Қазақстан құрамасының бұрынғы бас бапкері Әли Әлиев «Жеңіс» клубының бас бапкері лауазымына негізгі үміткерлердің бірі ретінде қарастырылуда, деп хабарлайды ASnews.kz.
Тараптар қазір келіссөз жүргізіп, келісімшарт талаптарын талқылап жатқан көрінеді.
Әлиев 2025 жылдың қаңтарында ресейлік Станислав Черчесовтың орнына ұлттық құраманың бас бапкері болып тағайындалды. Оның басшылығымен Қазақстан 2026 жылғы әлем чемпионатының іріктеу кезеңінде бес ойын өткізіп, тек біреуінде, атап айтсақ, Лихтенштейнді 2:0 есебімен жеңді. Сондай-ақ, команда Уэльстен екі рет, Солтүстік Македониядан және Бельгиядан жеңілді. Брюссельде 6:0 есебімен жеңілгеннен кейін Әлиев қызметінен кетті.
Бұған дейін «Жеңістің» қазіргі бапкері Андрей Демченконың Еуропаға кетуі мүмкін екендігі хабарланған еді.
Елордалықтар ҚПЛ өткен маусымын алтыншы орында аяқтады.
