Атап айтсақ, Серік Теміржанов (60 келі) аустралиялық Якоб Кассарды 4:1 есебімен жеңді. Қарсыласы — 19 жасқа дейінгі әлем чемпионатының қола жүлдегері.
Ал ұлттық құрама капитаны, 90 келіден жоғары салмақта өнер көрсетіп жатқан Айбек Оралбай 1/8 финалында Доминикан Республикасының спортшысы Хосе Агустин Трисетпен қолғап түйістірді.
Айбек Оралбай бірінші раундта алған жарақатына қарамастан, керемет бокс үлгісін көрсетіп, жекпе-жектің екінші бөлімінде қарсыласын нокдаунға жіберді.
Нәтижесінде төрешілердің шешімі бойынша қазақстандық боксшы ширек финалға өтті.
Қыздардан Надежда Рябец (75 келі) Панамерика ойындарының чемпионы, бразилиялық Вивиана Дос Сантос Перейрамен жекпе-жек өткізді. Қос боксшы бұған дейін 2021 жылы «Странджа» турнирінде жұдырықтасқан. Нәтижесінде Надежда екінші рет бразиялық Вивиана Дос Сантос Перейрадан басым түсті.
Осылайша, Надежда Рябец өзіне кем дегенде Әлем кубогінің қола медалін қамтамасыз етті.
Фото: бокс федерациясы.
