Каратэден қазақтан шыққан алғашқы әлем чемпионы Мөлдір Жаңбырбай Ханчжоуда (Қытай) өтіп жатқан «Каратэ Премьер лигасында» финалда жеңіліп, күміс жүлдеге ие болды, деп жазады 1bol.kz.
Жерлесіміз финалда алжирлік спортшы Силия Уикенмен кездескен. Жекпе-жек 8:8 есебімен тең аяқталды. Алайда, аталған спорт ережесіне сәйкес, мұндай жағдайда жеңіс алғашқы ұпайды алған каратэшіге беріледі.
«Финалдық бәсеке өте жоғары деңгейде өтті. Екеуіміз де тең ұпай алдық. Дегенмен, каратэнің ережесіне сәйкес алғашқы ұпай алған спортшы жеңіске жетеді. Демек алтын медаль маған бұйырмай тұр», — деді Мөлдір Жаңбырбай 1bol.kz тілшісіне берген сұхбатында.
Айта кетейік, бүгін жарыс жолына Олимпиада ойындарының қола жүлдегері София Берульцева шығады. Ол қола жүлде үшін бағын сынап көрмек.
Фото: olympic.kz.
