«Манчестер Ситидің» өзбекстандық қорғаушысы Абдукодир Хусанов Чемпиондар лигасының тарихында қалды, деп жазады 1bol.kz.
Ол аталған турнирдің плей-офф кезеңінде алаңға негізгі құрамда шыққан 21 жасқа толмаған екінші футболшы атанып отыр.
Еске салайық, 19 ақпанда «Манчестер Сити» 1/8 финалға шығу үшін мадридтік «Реалмен» ойнаған болатын. Аталған матчта Хусанов бірінші минуттан бастап алаңға шығып, 90 минут бойы ойнап шықты. Дегенмен, ол командасының жеңуіне көмектесе алған жоқ, ағылшындар аталған матчта 1:3 есебімен жеңілді.
Хусанов 21 жасқа 10 күннен кейін ғана толады. Бұған дейін аталған жетістікке «Шальке-04» клубының ойыншысы Каан Айхан жеткен. Ол Чемпиондар лигасының плей-офф кезеңінде небәрі 19 жасында алаңға шыққан.
Фото: Getty Images.
