Қазақстан құрамасының шабуылшысы Абат Айымбетов Румыния чемпионатында алғаш рет алаңға шықты, деп хабарлайды 1bol.kz.
Ол 29-тур аясында «Петролул» сапында «Меркуря-Чукке» қарсы ойында дебют жасады.
Айымбетов матчтың 83-минутында Шика-Розудың орнына ойынға қосылды. Қазақстандық футболшы алаңға шыққан сәтте есеп 1:1 болып тұрған еді.
Кездесуде есепті 51-минутта Рареш Поп ашқан. Алайда 61-минутта Лоранд Паска пенальтиден мүлт кетпей, таразы басын теңестірді. Есеп тең аяқталды.
Айта кетейік, Абат Айымбетов «Петролул» клубына 2026 жылдың ақпан айында ауысқан болатын. Бұған дейін ол құжаттарды рәсімдеу және жаңа ортаға бейімделу процесіне байланысты чемпионат ойындарына қатыса алмаған еді.
Фото: instagram.com/aimbetov9507.
