Моңғолия астанасы Ұланбатырда өтіп жатқан бокстан Азия чемпионатында жартылай финалдық жекпе-жектер аяқталып, финалистер толық анықталды. Нәтижесінде Қазақстан құрамасынан сегіз боксшы алтын медаль үшін таласатын болды, деп жазады 1bol.kz.
Ерлер арасында финалға шыққандар:
- 60 кг: Оразбек Асылқұлов
- 70 кг: Төрехан Сабырхан
- 75 кг: Сабыржан Аққалықов
- 85 кг: Нұрбек Оралбай
- +90 кг: Айбек Оралбай
Әйелдер арасында финалистер:
- 70 кг: Бақыт Сейдеш
- 80 кг: Надежда Рябец
- +80 кг: Дина Исламбекова
Финалдық жекпе-жектер 9 және 10 сәуір күндері өтеді. 9 сәуірде әйелдер арасындағы чемпиондар анықталса, 10 сәуірде ерлер финалы өтеді.
Қазақстандық боксшылар үшін ең тартысты айқастардың бірі өзбекстандық қарсыластармен болмақ. Атап айтқанда, үш финалда қазақстандықтар Өзбекстан спортшыларымен кездеседі.
Финал жұптары:
9 сәуір (әйелдер):
- 70 кг: Бақыт Сейдеш – Арундхати Чоудхари (Үндістан)
- 80 кг: Надежда Рябец – Рухшона Парпиева (Өзбекстан)
- +80 кг: Дина Исламбекова – Патан (Үндістан)
10 сәуір (ерлер):
- 60 кг: Оразбек Асылқұлов – Сачин (Үндістан)
- 70 кг: Төрехан Сабырхан – Зияд Ешааш (Иордания)
- 75 кг: Сабыржан Аққалықов – Жавохир Абдурахимов (Өзбекстан)
- 85 кг: Нұрбек Оралбай – Жасурбек Юлдошев (Өзбекстан)
- +90 кг: Айбек Оралбай – Данабек Байғазы (Қытай).
Айта кетейік, финалистер саны бойынша Қазақстан мен Үндістан (8 боксшыдан) көш бастап тұр. Өзбекстаннан – 7, Солтүстік Корея мен Қытайдан – 3 спортшыдан финалға шыққан.
Фото: Бокс федерациясы.
