Англиялық «Ливерпуль» клубы жуырда шабуылшы Уго Экитикені сатып алды. Бірақ мерсисайдтық команда мұнымен тоқтап қалмақ емес. Танымал инсайдер Фабрицио Романоның мәліметінше, клуб жоспарлы түрде құрамды күшейтуді әлі де жалғастырады, деп жазады penalty.kz.
Экитике үшін – 79 миллион фунт
Жақында белгілі болғандай, «Айнтрахт» (Германия) клубы Уго Экитикені сатып алу жөніндегі 79 миллион фунт стерлингті құрайтын ұсынысты қабылдап, футболшыны медициналық тексеріске жіберді.
Егер келісім толық аяқталса, бұл «Ливерпульдің» 2025 жылғы жазғы трансферінде жұмсаған қаржысының жалпы көлемі 300 миллион фунтқа жуықтайды.
Қорғаныс күшейтіле ме?
Арне Слоттың командасы қазіргі таңда орталық қорғаушы іздеумен айналысып жатыр. Себебі:
- Джаррел Куанса «Байерге» сатылды,
- Ибраима Конате келісімшартын ұзартпаған, оның қазіргі келісімі 2026 жылы аяқталады.
Осыған байланысты «Ливерпуль» мына қорғаушыларға назар аударып отыр:
- Марк Гехи («Кристал Пэлас»)
- Илья Забарный («Борнмут»)
- Чарли Крессуэлл («Тулуза»)
Диас пен Кьеза кете ме?
Сонымен қатар клуб сапындағы Луис Диас пен Федерико Кьезаның болашағы да белгісіз. Егер бұл ойыншылар командадан кетсе, жаңа фланг шабуылшысы алу мәселесі күн тәртібіне шығуы мүмкін.
Фото: Sports24.kz.
