Футболдан Қазақстан ұлттық құрамасы бас бапкерінің міндетін атқарушы Әли Әлиев баспасөз мәжілісінде 16 жастағы Дастан Сәтпаев туралы айтты, дейді 1bol.kz.
Бұған дейін қазақ футболшысы – «Қайрат» академиясының түлегі лондондық «Челсиге» ауысады деген ақпарат тараған. Тіпті, әйгілі инсайдер Фабрицио Романоның өзі аталған трансфердің жүезеге асқанын жазған еді.
Осындай таланттың ұлттық құрамаға шақырылуы тек журналистер үшін емес, жанкүйкерлерге де маңызды.
«16 жастағы талант Дастан Сәтпаевты құрамаға шақырғанды қанша адам қолдайтынын білмеймін. Бұл жерде физикалық дайындық, психология бар. Киім ауыстыратын бөлмеде өзінің ағаларын көргенде қандай күйде болады, ол жағы да маңызды. Атмосфераны сезінсін деген мақсатпен әрине құрамаға шақыруға болады. Дегенмен, халықаралық аренаға алдымен жастар құрамасымен бастағаны дұрыс секілді. Ол жастығына қарамастан қорықпайды, маған Самородовты елестетеді. Бірақ бірден қазір құрамаға шақырсақ, психологиялық тұрғыда қиын соғуы ықтимал. Ондай тәуекелге барсақ, карьерасыңа кері әсерімізді тигізіп алуымыз да ықтимал», — дейді Әли Әлиев.
Ресми емес деректерге сенсек, Дастан Сәтпаевты «Челси» 18 жасқа толғаннан кейін аоып кетеді.
Фото: Қазақстан футбол федерациясы.
