Ағылшын Премьер-лигасындағы трансферлік терезеде тағы бір ірі келісім аяқталуға таяу. Бір жыл бұрын £15 млн-ға сатып алынған Энтони Эланга енді £55 млн-ға сатылмақ, деп жазады penalty.kz.
23 жастағы швециялық жартылай қорғаушысы 2024/25 маусымында “Форест” сапында 38 матчқа қатысып, 6 гол соқты және 11 нәтижелі пас берді. Оның осы үлесі арқасында “Ноттингем Форест” соңғы 30 жылда алғаш рет еурокубокке жолдама алды.
“Ньюкаслдың” қызығушылығы және Эдди Хаудың рөлі
“Ньюкаслдың” бас бапкері Эдди Хау Эланганы бір жыл бұрын-ақ командасына қосуды қалаған. Алайда ол кезде трансфер жүзеге аспаған. Енді клуб қажетті қаражатты бөліп, ойыншыны сатып алуға бір қадам қалды.
“Форестің” жоспарлары: Бакайоконы алмастырушы ретінде қарастыру
Эланганың орнын толтыру мақсатында “Ноттингем Форест” ПСВ Эйндховен сапында өнер көрсететін Жоан Бакайокоға көз тігіп отыр. Бұл ойыншы да Еуропада жоғары бағаланатын таланттардың бірі саналады.
Фото: newcastlenews.ru.
