Бразилиялық танымал футболшы Неймар араға 1 жыл салып алаңға оралады.
Бұл туралы ESPN басылымы хабарлады, деп жазады msports.kz.
Сауд Арабиясының «Әл-Хилял» командасында ойнап жүрген футболшы былтыр ауыр жарақат алып, футболдан қол үзген еді. Қыркүйек айынан бастап жаттығуын толыққанды бастап, матчтарға дайындалды.
ESPN ақпараты бойынша, Неймар 21 қазан күні Азия чемпиондар лигасында «Әл-Хилял» мен «Әл-Айн» ойынына қатысады.
Неймардың физикалық жағдайын бақылау үшін Бразилиядан дәрігерлер де келеді. Егер бәрін дұрыс санаса, футболшы Бразилия құрамасының қараша айындағы ойындарына шақырту алады.
Фото: espn.com.
